четврток, 29 февруари 2024

„Лицето на злото“: илјадници луѓе во Тел Авив побараа Нетанјаху да замине (ВИДЕО)

Илјадници Израелци демонстрираа во Тел Авив барајќи да се вратат заложниците што се држат од 7 октомври во Појасот Газа и да замине премиерот Бенјамин Нетанјаху, обвинет дека ја продолжува војната за да остане на власт.

Фото: ЕПА

Објавено на

часот

Сподели

Демонстрантите носеа натписи со осуда на Нетанјаху – „Лицето на злото“ и со барање „Избори сега“.

Од околу 250 киднапирани лица, околу сто беа ослободени за време на прекинот на огнот на крајот на ноември, а 132 лица сѐ уште се во Газа. Од нив 27 починаа, пренесува АФП врз основа на израелски податоци.

„Како што одат работите, сите заложници ќе умрат. Сѐ уште не е доцна да ги ослободиме“, молеше во саботата Ави Лулу Шамриз, татко на еден од заложниците убиени во Газа.

За време на брифингот во саботата вечерта, портпаролот на израелската армија Даниел Хагари рече дека неговите војници пронашле тунел во Кан Јунис (јужна Газа) со „докази што потврдуваат присуство на заложници“ во нив, вклучително и цртежи направени од петгодишно дете што било држено таму.

„Околу дваесет заложници“ биле затворени во тунелите во различни периоди, „во тешки услови, без дневна светлина (…) со малку кислород и страшна влажност“, рече Хагари.

Нападот на 7 октомври резултираше со смрт на околу 1.140 луѓе во Израел, од кои повеќето цивили, според податоците на АФП врз основа на официјалните израелски податоци.

Од друга страна, во Газа, речиси 25.000 луѓе, од кои огромно мнозинство се жени, деца и адолесценти, се убиени во израелските бомбардирања и воени операции, според Министерството за здравство на Хамас.

Нетанјаху вели дека сака да ја продолжи војната додека Хамас не биде „елиминиран“.

„Сите во земјата, со исклучок на неговата токсична коалиција, знаат дека неговите одлуки не се носат за доброто на земјата, дека тој само се обидува да остане на власт“, ​​го критикуваше Јаир Кац (69) на демонстрациите на саботата. „Сите сакаме тој да поднесе оставка.“

„Нашата земја ја водат криминалци што немаат апсолутно никаков интерес за граѓаните“, рече Боаз Садех (46). „Тие не прават ништо за да ги ослободат заложниците“, додаде тој.

Во Ерусалим околу 250 луѓе се собраа и во саботата пред премиерската резиденција со цвеќиња и фотографии од заложниците.

Шеф на израелската влада од 1996 до 1999 година, а потоа од 2009 до 2021 година, Бенјамин Нетанјаху се врати на функцијата на изборите во 2022 година, откако формираше коалиција со ултраортодоксните и екстремно десничарските еврејски партии.

Дури и пред 7 октомври, кога почна војната, Нетанјаху се соочуваше со масовни улични протести против длабоко спорните судски реформи што неговата влада се обидуваше да ги донесе, делумно за да го спаси него од гонење за корупција и од други прекршоци.

ТОП ВЕСТИ

ПОСЛЕДНИ ВЕСТИ