среда, 29 мај 2024

Левица: Недемократскиот изборен модел ни ускрати најмалку двајца пратеници

Неправедниот изборен модел ја оштети Левица, 23.725 гласови односно 34.55% од добиените гласови на партијата не се валоризирани во пратенички мандати, реагира Левица со соопштение. „Овој изборен модел го поништил секој трет глас за Левица, па така, за Левица да добие еден пратеник биле потребни околу 11.000 гласови, додека за еден пратеник на ДПМНЕ или ДУИ било потребно нешто над 7000 гласови. ​​​​​​Доколку гласовите беа вреднувани еднакво, Левица во овој пратенички состав ќе имаше најмалку двајца пратеници повеќе во овој парламентарен состав“, потенцира партијата.

Објавено на

часот

Сподели

„Донтовиот изборен модел, поделен во шест изборни единици, заедно со неколкукратно спроведуваниот геримандеринг на нивните граници, уште еднаш ги сруши темелите на демократијата и еднаквоста како уставни категории! Ваквиот изборен модел овозможи легална изборна манипулација со гласачкото тело, што се покажува како најголем непријател за гласот на граѓаните и на штета на Левица!

Ако се земе предвид и ваквиот дефицит од претходните парламентарни избори, во текот на овие осум години, со овој изборен модел, на партијата ѝ се скратени најмалку 5 пратеници што е еднакво на парламентарна група.

Ваквиот демократски дефицит кој го создава овој изборен модел не смее да продолжи! Гласот на граѓаните мора еднакво да биде вреднуван! Заради тоа, услов на Левица, за каква било идна влада, ќе биде промена на изборниот модел, воведување на една изборна единица и императивен мандат на пратениците“, се вели во партиското соопштение.

ТОП ВЕСТИ

ПОСЛЕДНИ ВЕСТИ