Апасиев им се заблагодари на скопските ограноци за макотрпната работа. Професорката Билјана Ванковска ги поздрави присутните гости, ги сумираше импресиите од првиот круг и ги постави рамките на понатамошниот курс за во вториот круг – како единствен кандидат против естаблишментот.
На собирот свои говори имаа и кандидатите за пратеници од ИЕ 1 и ИЕ 2, и тоа, Дарја Мустафаоглу која зборуваше за улогата на младите во борбата против политичката олигархија, Дарко Ристовски за македонскиот работник и неговиот интерес како водилка за политичката активност и дискурс на партијата и Катерина Јовановска за досегашното искуство како градски советник во борбата против широката коалиција, соопшти Левица.
