„Поаѓам од фактот дека, кога раководството на државата вели дека преземаат конкретен чекор, тоа се заснова на сериозни намери“, изјави Лавров за РБК, на прашањето дали се сериозни намерите на Турција да се приклучи во БРИКС.
Министерот забележа дека НАТО не се огласил за намерата на Турција да стане членка на БРИКС, наместо во ЕУ.
„Што се однесува на Турција, претставниците на НАТО молчат. Ми се чини дека Американците велеа дека тоа е неспоиво со членството во НАТО. Претставникот на Европската комисија зборуваше многу поотворено, велејќи дека Турција треба да разбере дека патот кон ЕУ е неспоив со членството во БРИКС и обратно. Кандидатите за ЕУ треба да се придружат во заедничката надворешна и безбедносна политика“, истакна рускиот министер.
Како што оцени тој, ваквата реакција на ЕУ е јасен показател дека Турција треба да се приклучи во антируските санкции доколку сака да стане членка на Унијата.
Како што додаде, БРИКС нема правила со кои би им забраниле на членовите на одредени организации да соработуваат со таа организација.
„Во однос на членството во НАТО и статусот кандидат за ЕУ, кој Турција го има речиси 70 години, во тој случај, како што неодамна изјави еден турски функционер, во БРИКС не постојат правила што велат дека членовите на одредени организации не можат да имаат врски со таа организација“, објасни Лавров.
Според него, најважното нешто за членките на БРИКС и земјите што развиваат соработка со организацијата е споделување на вредностите содржани во Повелбата на ОН. Тоа е суверена рамноправност на државите, немешање во внатрешните работи, мирно решавање на споровите, почитување, суверенитет и територијален интегритет на сите држави.
„Не ни требаат вредностите на нацизмот, теориите и практиките на нацизмот, забраната на слободата на говорот, националните јазици, културата, традициите, затворањето на канонските цркви и слично“, рече шефот на руската дипломатија.
Претходно помошникот на рускиот претседател Јуриј Ушаков потврди дека Турција поднела барање за полноправно учество во БРИКС и дека тоа сега се разгледува.
