„Ситуацијата се смени кога украинскиот режим го вклучи членството во НАТО во уставот, укинувајќи ги притоа гаранциите за националните малцинства. Тие кажаа дека НАТО и Европската Унија се иднината на Украина. кога за прв пат почнаа да зборуваат за тоа Европската Унија уште и имаше некаков привид на економска заедница, но сега целосно ја изгуби таа карактеристика. Фирерот Урсула ги мобилизира сите на милитаризација на Европа“, кажа Лавров за американските блогери Марио Науфал, Лари Џонсон и Ендрју Наполитано.
❗️’Führer Ursula’ Is Mobilising Everyone To Re-Militarise Europe’ With ‘Unbelievable Sums Of Money’
FM Lavrov highlighted the questions being raised about whether the massive amounts of money being discussed in the EU are a distraction from the sums wasted on Ukraine and the… pic.twitter.com/YRFgJutVn6
— RT_India (@RT_India_news) March 12, 2025
Тој укажа дека тука станува збор за неверојатни пари.
„Многумина мислат дека тоа е замка за вниманието на населението да се одвлече од десетиците и стотиците милијарди евра без соодветна ревизија и потрошени во времето на борбата против ковид и во времето кога се пружаше помош на Украина. тоа сега се разгледува“, кажа шефот на руската дипломатија.
Тој го критикуваше и францускиот претседател Емануел Макрон, потсетувајќи на неговата неодамнешна „патетична изјава“ во која изнесе лага за состанокот за Украина во Париз во 2019 година на кој учествуваа и украинскиот претседател Володимир Зеленски и рускиот претседател Владимир Путин.
„Уште една лага на претседателот на Франција се однесува на средбата во декември 2019 година во Париз на која учествуваа Макрон, Ангела Меркел, тогашната германска канцеларка, претседателот на Русија Владимир Путин и Володимир Зеленски. Испаѓа дека состанокот бил свикан за Французите и Германците да ги спасат Минските договори“, кажа Лавров.
Според него, однесувањето на Франција и Германија во однос на Минските договори е срамно.
„Тоа како се однесуваа Французите и Германците е срамно. Потписниците на договорите (Петро Порошенко, Меркел и Франсоа Оланд) кажаа во интервју, во време кога веќе беа бивши, дека никогаш не намеравале да ги реализираат договорите. Едноставно, им било потребно време за да ја снабдат Украина со оружје“, кажа Лавров.
Тој истакна дека Макрон ја посети Москва неколку недели пред почетокот на војната во Украина и дека на конференцијата за новинари, а потоа и при телефонски разговор со Путин, кажа дека не може да инсистира на тоа легално избраната украинска влада да преговара со сепаратистите.
На тоа Путин, според Лавров, возвратил со зборовите дека оние кои во Украина дојдоа на власт благодарение на државниот удар треба да им бидат благодарни на сите кои се обидуваат на кој било начин да ја доведат ситуацијата во земјата во легитимна состојба.
„Не треба да се заборави ни тоа дека во Минските договори се наведува дека е неопходен дијалог токму со тие лидери кои тие ги нарекуваат сепаратисти“, заклучи Лавров.
Лавров искоментира и дека е забавна намерата на претседателот на Франција да ги заштити сите во Европа „со три или четири нуклеарни боеви глави“.
Францускиот претседател Макрон ѝ се обрати претходно на нацијата и изјави дека растат заканите за Европа и за земјата, вклучувајќи наводно и од Русија.
На овој начин тој ја оправда потребата за зголемување на буџетот за одбрана на земјата над претходно одобрениот план. Исто така кажа дека намерава да продолжи да го поддржува Киев во конфликтот со Русија и вети дека ќе почне дискусија за проширување на националните сили за нуклеарно одвраќање на другите европски земји по соодветниот повик од кандидатот за германски канцелар Фридрих Мерц.
