„Денес со сигурност можеме да кажеме дека соработката во Каспискиот регион достигна високо ниво, но потребни се дополнителни напори за подобрување на квалитетот на петостраната интеракција и зајакнување на нејзините основи на меѓународен план“, истакна Лавров на средбата на Советот на министри за надворешни работи на касписките земји, пренесува Тас.
Рускиот министер на маргините на средбата разговараше со министерот за надворешни работи на Азербејџан Џејхун Бајрамов за формирањето на регионалната платформа „3+3“ за прашања за Закавказје.
„Иницијативата на Алиев за формирање на таканаречената регионална платформа 3+3, три јужнокавкаски земји и нивните три соседи, веќе се обликува. Ова е исто така ветувачки формат, ќе ми биде драго да ги слушнам вашите коментари за понатамошните чекори во таа насока“, рече министерот на средбата во Москва.
Министерот за надворешни работи на Азербејџан Џејхун Бајрамов истакна дека важен елемент на дијалогот со Москва е прашањето за регионалната безбедност и „постконфликтната нормализација“ на односите меѓу Баку и Ереван.
„Мислам дека денеска ќе имаме можност да поминеме низ низа значајни проекти – билатерални и регионални, во економската сфера… Ќе зборуваме и за пошироки регионални формати 3+3 2“, рече Бајрамов.
Форматот вклучува учество на Русија, Иран, Ерменија, Азербејџан, Турција и Грузија, но Тбилиси најави дека не планираат да учествуваат во иницијативата.
Првиот состанок на групата се одржа во декември 2021 година во Москва, но не на министерско ниво, туку на ниво на заменици министри за надворешни работи на Руската Федерација, Азербејџан, Ерменија, Турција и генералниот директор за конзуларни прашања на Министерството за надворешни работи на Иран.
Следниот состанок на министрите за надворешни работи во формат 3+3 ќе се одржи во Турција во првата половина на 2024 година.
