„Овој договор, поддржан од операторите на Европската унија и Југоисточна Европа, ги вклучува МЕПСО (Северна Македонија), НОСБИХ (Босна и Херцеговина), ОСТ (Албанија), ЕМС (Србија), ЦГЕС (Црна Гора) и КОСТТ (Косово). Декларацијата има за цел да создаде нова, сеопфатна рамка за регионална соработка и да ја зајакне енергетската безбедност во регионот, со акцент на: Интеграција на пазарот на електрична енергија во согласност со законодавството на ЕУ и Енергетската заедница, Ппоставување на нови правни рамки за непречена регионална координација, управување со преоптоварувањата и распределба на приходите преку ефикасна распределба на капацитетите. Овој значаен чекор, според Латифи, се очекува да го забрза обединувањето на енергетските пазари во Југоисточна Европа и да им помогне на земјите од Западен Балкан да ги исполнат барањата на ЕУ, вклучително и исклучувањето од данокот на Механизмот за прилагодување на јаглеродните граници. Декларацијата означува клучен момент во напорите за интеграција на Западен Балкан во европскиот енергетски систем и обезбедува поодржлива иднина за енергетскиот сектор во регионот“, напиша директорот на МЕПСО, Бурим Латифи.
Латифи од Брисел: Потпишана историска Декларација за регионална координација на енергетскиот систем
Во рамки на одбележувањето на 15-годишнината на ЕНТСО-Е, операторите на системот за пренос на електрична енергија (ОСТ) од Западен Балкан потпишаа заедничка историска Декларација за регионална координација на енергетскиот систем.
Објавено на
часот
