Според соопштението од Обвинителството, 37-годишникот пристигнал пред домот на жртвата, каде што извадил пиштол и испукал куршум кон него. Не успеал да го погоди, а куршумот завршил во ѕидот веднаш до влезната врата. Во моментот на пукањето, оштетениот се повлекол во внатрешноста на куќата и ја затворил автоматската врата, која веднаш се заклучила.
Нервозен што не успеал да влезе во куќата, осомничениот започнал да тропа и да удира со нога на вратата, но безуспешно. По инцидентот, побегнал заедно со друго лице, кое се сомничи дека му помогнало да се скрие од надлежните органи.
Јавниот обвинител, оценувајќи дека постојат законски основи, побара мерка притвор за осомничениот сторител на обидот за убиство. Основниот кривичен суд Скопје ја одобри мерката и му одреди 30 дена притвор.
Со истрагата ќе се утврдува и улогата на соучесникот, кој се сомничи за помагање при бегството.
