Мицевски студирал филмска и ТВ монтажа на Факултетот за драмски уметности во Скопје, а во 2015 година, како добитник на стипендија од Министерството за образование и наука, заминува на постдипломски студии на престижната Национална филмска и телевизиска школа (National Film and Television School) во Англија, каде учи од етаблирани професионалци како Греам В. Хардстон ( Graham V. Hartstone – „Blade Runner“, „Aliens“), Енди Кенеди (Andy Kennedy – „The Crown“, „Game of Thrones“, „Harry Potter“), и Роџер Дикинс (Roger Deakins – „Sicario“, „Skyfall“, „1917“) и работи на филмови прикажани на реномирани меѓународни фестивали.
Неговото професионално искуство опфаќа работа во Англија на проекти за Би-Би-Си BBC и филмови во продукција на Pinewood Studios („Sherlock Gnomes“, „Mowgli“, „Fantastic Beasts: The Crimes of Grindelwald“ и „Birdbox“), како и авторски ангажмани во пост-продукција на македонски аудиовизуелни дела, меѓу кои и ТВ сериите „Преспав“ и „Куќен притвор“.
Добитник е на бројни награди, меѓу кои награда од Ројал телевижн сосаети (Royal Television Society) и номинација за Дејтајм Еми (Daytime Emmy).
Во 2020 година, со сопствени средства го возобновува тонското студио на НУФЦ „Вардар филм“, а од истата година е и член на Филмскиот совет на Агенцијата за филм.
