„На овој свет ден, Илинден, во пресрет на 35-годишнината од нашето формирање, тимот на ‘Матица македонска’ се обврзува – ќе продолжиме да ја остваруваме својата мисија, целосно да се себевложуваме во чувањето и афирмирањето на македонскиот национален идентитет. Да го афирмираме македонското слово дома и пред светот, да ги поддржуваме македонските автори, да објавуваме книги што ќе потврдуваат кои сме и што сакаме да бидеме, и ќе истраеме во решеноста македонска книга да има во секој македонски дом, за сите генерации“, стои во честитката и пораката што „Матица македонска“ по повод Илинден ја упати до граѓаните, до читателите и до авторите.
Со порака: „Нека ни е вечен македонскиот збор! Нека ни е вечна македонската книга! Нека ни е вечна Македонија!“
Покрај тоа што во книжарницата на „Матица македонска“ во Скопје и за нарачки преку веб-страницата, сите досега објавени изданија посветени на Македонија, до крајот на август ќе бидат достапни со 50 проценти попуст, во текот на следните неколку недели, „Матица македонска“ ќе објави и уште неколку нови, клучни книги за македонскиот национален идентитет.
