Во насловната улога Флорија Тоска ќе настапи Валентина Бои од Италија во улогата на Каварадоси, Миша Шешаберидзе од Грузија, а во улогата на Скарпија, Леон Ким од Јужна Кореја.
Во другите улоги ќе настапат Игор Дурловски, Драган Ампов, Марјан Николовски, Кристијан Антовски, Никола Чедомировски, Десанка Глигоријевиќ, заедно со хорот и оркестарот на Националната опера и балет.
MОБ за „Тоска“ наведува дека е брилијантно оркестриран оперски трилер, во кој движечки драмски елементи се љубовта, страста, љубомората и политичките интриги.
„’Tоска’ е опера во три чина од Џакомо Пучини. Напишана е по италијанското либрето од Луиџи Илика и Џузепе Џакоза. Либретото се базира на драмата ‘Тоска’ од Викториен Сарду. Светската премиера на операта е одржана на 14 јануари 1900 во Рим. Повеќе од еден век подоцна оваа опера останува еден од најизведуваните и највпечатливи наслови на светските сцени – дело во кое интимната човечка драма се издигнува до трагедија со универзална сила и актуелност#, соопшти Македонската опера и балет.
„Постојат подароци што се забораваат. И постојат искуства кои се паметат целиот живот. Ова е совршена прилика за подарок за жените кои ги почитувате, културна вечер со вашите пријателки, романтична ноќ во Македонската опера и балет“, велат од МОБ.
