Третото издание е дополнето со нови 20-тина песни од кои неколку, како што вели, напишани од нејзината и сета македонска болка за жртвите од трагедијата во Кочани.
Во изјавата за МИА, потенцира дека со овој чин, поезијата добива и силна меморијална димензија – сведоштво за болката, но и за потребата таа да се претвори во збор, паметење и духовна отпорност.
Според неа, новото издание претставува најмоќна и најемотивна верзија на стихозбирката досега.
„Стихозбирката е дело во кое се испреплетуваат темите на идентитетот, припадноста, љубовта кон татковината и човечката судбина, а во новото издание тие добиваат уште подлабока емоционална и општествена резонанца“, потенцира Николова.
Излегувањето на третото издание се совпадна со значаен јубилеј во творечкиот пат на авторката, 30 години од објавувањето на нејзината прва стихозбирки „Детски свет-шарен цвет“, на 16 март 1996 година.
Инаку стихозбирката „Македонствување“ се бара, се чита и ја имаат Македонците иселеници во дијаспората во: САД, Канада, Австралија, Европа и други земји и континенти, каде и да ги има. Стиховите од стихозбирката „Македонствување“ ги читаат иселениците на разни манифестации на сите позначајни македонски празници, посебно за Илинден, а се читаат и на значајни прослави во училиштата во земјава.
