Фестивалот ќе се отвори вечерва во Домот на култура „Кочо Рацин” во Скопје со ликовна изложба која ќе трае до крајот на настанот, а публиката ќе може да проследи и ноќ на класична музика и опера од учениците од ДМБУЦ „Илија Николовски – Луј”, книжевна емисија на Светла Јакшиќ и Пепи Стамков со гостинот Стефан Марковски, монодрамата „Ѕвездан” на Емануела, краткиот филм „Пикавец” на Георге Нешковиќ, подкаст воден од Светла Јакшиќ и Јана Ангелковска и игранка со експериментален музички состав од Кавадарци.
Фестивалот ќе биде заокружен во недела, со настанот „Ноќ на прозата и поезијата”, на кој ќе се претстават: Ненад Јолдески, Владимир Мартиновски, Лиле Стефановска, Исток Улчар, Горазд Кени, Софија Тодороска, Светла Јакшиќ, Пепи Стамков и Емануела.
Влезот е бесплатен, а настанот ќе се одвива согласно со сите пропишани мерки за справување со пандемијата.
