Овогодинешново, премиерно издание, започнува скромно со еднодневна програма. Ќе гостува реномираниот перкусионист Баба Сисоко (Baba Sissoko), од Мали кој живее во Италија, и ќе настапи заедно со Тони Китановски и ДЈ Гоце.
Настанот ќе се одржи утре, најпрво во 12 часот со работилницата за сите заинтересирани млади музичари, а концертот ќе се одржи во 20 часот во Мутимедијалниот центар на универзитетот Гоце Делче, поранешен Пионерски дом во Штип.
Баба Сисоко е роден и живеел во Бамако, Мали. Уште како дете свирел тамани, на различни традиционални церемонии. Во 1985 година тој бил на меѓународна турнеја со престижниот оркестар Инструментален ансамбл на Мали, свирејќи на тамани и нгони. Во 1991 година го основал своето трио „Баба Сисоко и Таман Кан“ и започнал интензивно да соработува со врвни уметници од целиот свет. Неговата работа со Хабиб Којте е забележителна, бидејќи нивната соработка траела 12 години и била позната низ целиот свет. Во 1995 година, Баба Сисоко го издал својот прв албум со Тама-Кан.
Триото ги слави сопствените култури (Мандинг, луѓето од Бамбара, Сонраи, Јоруба и Конго), а вклучува и блуз, џез и рок елементи.
До денес, Баба Сисоко снимил и издал повеќе од пет албуми. Тој, исто така, предавал традиционален тапан во Брисел (Белгија) и водел конференции за Универзитетот во Калабрија – Центар за уметност, музика и спектакл во Италија. Тој живее во Италија од крајот на 90-тите години на минатиот век.
Во 2015 година соработува со DJ Khalab на албумот „Khalab & Baba“. Во 2017 година, тој соработува со Mighty Mo Rodgers на албумот „Griot Blues“.
