Одлични изведби на младата пијанистка Сара Витанова на натпревар во Софија

Пред меѓународната бројна комисија од еминентни професори-пијанисти
Сара Витанова, под програмско раководство и менторска-целосна реализација од професорката Самира Мустафаоглу, најдостоинствено се претстави како на натпреварот, така и како активен семинарист во работилницата на еминентниот француски пијанист и педагог Шантал Стилиани.
На семинарот Сара доби многу пофални оценки, како за нејзината изведба, така и за процесот на соработката во текот на наставата, а следниот ден, на натпреварот се претстави со висок манир на изведба на сериозни дела од: францускиот барокен автор Џ. Рамо и нашиот композитор Г. Коларовски, за што од комисијата беше одликувана за лауреати 2022 и ѝ беше доделена Специјална награда за изведба на современа музика.