Меѓународното стручно жири во состав Рисима Рисимкин од Македонија, Емре Ердем од Турција и Лаша Чхартишвили од Грузија одлучи наградата за најдобар актер да ја додели на Роналд Ранд од САД кој во Битола ја изведе монодрамата „Нека биде уметност“, а наградата за најдобра режија ја додели на Невена Митева, режисерка на претставата „Декамерон“ на Државниот куклен театар од Сливен, Бугарија, која воедно вечерва ја доби и наградата од публиката.
„Горд сум и благодарен што повторно заедно создадовме уметност, ја прослвивме моќта на индивидуалниот израз и го потврдивме значењето на театарот како простор за дијалог, рефлексија и вистина. Со желба за нови средби, нови приказни и уште повпечатлици изведни, го прогласувам за затворен 26-от Интернационален фестивал на монодрама во Битола“, истакна директорот на Центарот за култура, Влатко Илиевски.
