На театарскиот фестивал „5РЕ“ и годинава, ќе се доделат наградите за најдобра претстава, за режија, за главна машка и за женска улога, за споредна машка и за женска улога, како и награда на публиката. Воедно ќе се додели и наградата за животно дело „Петре Прличко“.
Годинашни членови на фестивалската жири комисија се Зорица Панчиќ, минатогодишната добитничка на награда за најдобра главна женска улога, Владимир Тулиев – актер и Елеонора Теова – режисерка.
Како што соопшти Ненад Витанов од организиациониот одбор на Фестивалот, поради големиот интерес на публиката претставата „Тестостерон“ ќе биде прикажана и репризно на 28 март или наредната вечер по премиерата и свеченото отворање на фестивалот.
Додаде дека влезниците за претставите на фестивалот по цена од 300 денари ќе бидат пуштени во продажба во понеделник, на 23 март, во 10 часот и нема да има можност за резервирање.
МИА
