Според овој уметник, мирот е нешто што денес непресушно е најважната алка за подобро утре.
„Во овие времиња мирот е најпотребен. Кога секаде на Планетава Земја говори оружјето, тоа покажува дека ние миротворците имаме уште многу работа. Секој во својата област да се ‘бори’ за мирот, состојба која не ни е дадена само по себе, туку состојба за која треба сите заедно да се залагаме“, вели Цветин.
Живко Поповски – Цветин (роден 1944, с. Брезово) е сликар на мирот и хуманист. Тој е поранешен претседател на Црвениот крст на Македонија и беше номиниран за Нобелова награда за мир. По професија е агроном, но неговиот животен пат го обележуаат новинарството, јавната служба и уметноста во име на мирот.
Поповски – Цветин како уметник е препознатлив по мисијата „Цвеќето на мирот“. Од 1970 година реализирал повеќе од 300 изложби во земјата и светот и подарил повеќе од 70.000 слики, кои пренесуваат порака на мир и надеж. Неговите дела се наоѓаат кај државници, уметници, поети и обични луѓе ширум светот.
