Од ИФФК „Браќа Манаки“ соопштуваат дека јавниот повик ќе биде отворен до 27 јуни до кога филмските работници со свои проекти може да обезбедат учество на 46. издание на фестивалот и да конкурираат за главните или почесните награди на фестивалот.
Според востановената традиција, учесниците на фестивалот освен за престижната награда златна „Камера 300“, конкурираат и за други фестивалски признанија, а организаторот доделува и Златна камера 300 за животно дело во кинематографијата, Специјална Златна камера 300 за исклучителен придонес во светската кинематска уметност, Златна камера 300 за креативна синергија, како и Голема ѕвезда на македонската кинематографија.
