На 2 јуни пред угостителски објект во Боговиње, поради претходно меѓусебно нетрпение, првопријавениот со автоматска пушка испукал еден куршум кон А.Џ. (50) и го усмртил. Набргу, М.М. бил пронајден и лишен од слобода и во неговото возило била пронајдена автоматската пушка со која го сторил делото. Откако првопријавениот го извршил делото, второпријавениот Н.А. од домот на М.М. зел рамка од автоматска пушка со два куршуми и ги сокрил во неговата куќа. Од страна на судија на претходна постапка на првопријавениот му е одредена мерка притвор од 30 дена и бил спроведен во Казнено – поправната установа Затвор Скопје за издржување на мерката.
Кривични пријави за убиството во Боговиње
СВР Тетово поднесе кривична пријава против М.M. (51) од тетовско Боговиње поради постоење сомневање за сторени кривични дела „убиство“ и „неовластено изработување, држење, посредување и тргување со оружје или распрскувачки материи“. Кривична пријава е поднесена и против Н.А. (73) од истото село поради сомневање за сторени кривични дела „помагање на сторител по извршено кривично дело“ и „неовластено изработување, држење, посредување и тргување со оружје или распрскувачки материи“.
![zatvor_resetki_Piksabej](https://mkd.mk/wp-content/uploads/2023/12/zatvor_resetki_piksabej-1068x712.jpg)
Објавено на
часот