четврток, 30 мај 2024

БДС и БНС поднесоа кривична пријава против Стоилковиќ за негирање на геноцидот во Сребреница

Партиите Бошњачки демократски сојуз (БДС) и Бошњачки национален совет (БНС) денеска поднесоа кривична пријава против Иван Стоилковиќ, претседател на Демократска партија на Србите (ДПСМ), за негирање и исмејување со геноцидот во Сребреница

Објавено на

часот

Сподели

Како што пишува во нивното соопштение, пријавата е во врска со изјавата на Стоилковиќ, по одлуката на Министерството за надворешни работи (МНР) за коспонзорирање на Резолуција на Обединетите Нации (ОН) за прогласување на 11 јули за Меѓународен ден за сеќавање на геноцидот во Сребреница, при што, како што наведуваат, геноцидот го нарекол „некрофилски дизниленд“. Според нив, ваквиот говор на омраза е недозволен. Тие дополнуваат дека кривичната пријава ја поднеле за кривичното дело одобрување или оправдување на геноцид, злосторства против човечноста или воени злосторства.

„Нарекувајќи го најголемото страдање на човештвото после Втората светска војна со терминот ‘некрофилски дизниленд’, каде што некрофилија означува сексуално задоволување со мртви луѓе, а дизниленд е најголемиот детски парк во светот и поим за детска забава, останува заклучокот дека Стоилковиќ геноцидот во Сребреница го доживува како сексуално задоволување врз мртвите деца и исмејување со страдањето кое овој народ го доживеал“, пишува во нивното соопштение.

Оттаму дополнуваат дека пријавениот поттикнува омраза кај припадниците на албанскиот народ во контекст дека истите издејствувале Министерството за надворешни работи да донесе ваква одлука, што за резултат има разорување на етнички страсти.

„Се надеваме дека обвинителството предметот ќе го процесуира и дека пријавениот ќе биде санкциониран а истото ќе биде опомена кон сите останати да се воздржат од вакви или слични грозоморни изјави“, дополнуваат оттаму.

ТОП ВЕСТИ

ПОСЛЕДНИ ВЕСТИ