недела, 26 мај 2024

Кремљ: Прогласувањето на Московската патријаршија за терористичка организација не е најпаметната работа

Изјавата на естонскиот министерот за надворешни работи Лаури Ланеметс за прогласувањето на Московската патријаршија на Руската православна црква за „терористичка организација“ тешко дека спаѓа во категоријата паметни, изјави портпаролот на Кремљ, Дмитриј Песков.

Фото: ЕПА

Објавено на

часот

Сподели

„Не би сакале ништо да мислиме за таквите изјави. Во секој случај, изјавата на овој господин тешко може да се вброи меѓу најпаметните изјави“, им посочи Песков на новинарите на прашањето што мисли Кремљ за неодамнешната изјава на естонскиот министер.

Портпаролката на Министерството за надворешни работи на Русија, Марија Захарова, коментирајќи ја изјавата на својот естонски колега, оцени дека во таа изјава се очигледни „сите знаци на ментална болест“.

„Сите знаци на ментална болест се очигледни. Но, има и проблем со логиката: со кого, според него, ќе комуницира папата – со терористи?“, рече Захарова.

Претходно, министерот за надворешни работи на Естонија, Лаури Ланеметс изјави дека ќе му предложи на естонскиот парламент да ја прогласи Московската патријаршија РПЦ за „терористичка организација“, со цел на крајот да се забранат нејзините активности во земјата, пренесува Спутник.

ТОП ВЕСТИ

ПОСЛЕДНИ ВЕСТИ