„Гледате каков претседател имаме. Беше и сè уште е мега активен. Ние што работиме со него тешко можеме да го следиме“, додаде тој. Неговите зборови уследија по последните сугестии дека Путин всушност го претставува некој што се појавува на негово место во јавноста.
Последните наводи се појавија откако беше објавено дека Путин отпатувал во Украина за да ги посети воените зони под руска окупација. „Тоа не беше вистинскиот Путин“, рече минатата недела Олексеј Данилов, секретар на Советот за национална безбедност на Украина.
Тогаш Кремљ го отфрли неговото тврдење. Нема докази дека двојник се појавува на официјалните средби на Путин.
