Луѓето фрлаа кал и извикуваа „убијци“ додека кралот се обидуваше да оствари официјална посета на една од најтешко погодените општини во смртоносните поплави.
Обезбедувањето се обиде да го заштити кралот со чадор.
Еден човек со шипка тргна кон кралот и останатите членови на неговата придружба. Тој замавна неколку пати, по што полицаец го совлада.
Но, тоа не беше крај. Разбеснети луѓе го опколија кралот, додека толпата извикуваше: „Убијци, убијци“. Полицијата едвај ги задржа.
BREAKING: King of Spain attacked by angry people while visiting the disaster area in Valencia pic.twitter.com/fE8K1HQI12
— AlexandruC4 (@AlexandruC4) November 3, 2024
Сцените од Паипорта откриваат зголемено чувство на напуштеност кај жителите на опустошените области и широко распространета лутина поради тоа што предупредувањето да не се излегува од дома во вторникот дојде дури откако веќе започнаа поплавите.
Официјалната посета се случи во време кога бројот на загинати се искачи на 214, а градоначалниците на погодените општини бараат помош од надлежните.
„Многу сме лути и очајни“, рече Гилермо Лујан, градоначалник на Алдаија. „Имаме град во урнатини. Мораме да почнеме од почеток и барам помош. Ве молам, помогнете ни“.
