Премиерот Ковачевски на средбата кажал дека споделувањето на словенечките искуства и позитивните практики во областа на дигитализацијата се значајни за Македонија во процесот на европските интеграции, но и на домашен план.
„Работиме на зголемување на бројот на електронски услуги кон граѓаните и бизнисите и сме фокусирани кон усогласување на националното законодавство со Европскиот кодекс за електронски комуникации, како и со Директивата на ЕУ за безбедност на мрежите и информациските системи и пакетот на алатки 5G. Поврзувањето на владините институции, академската заедница, бизнис секторот, граѓанскиот сектор и генерално, дигитализирањето на процесите е важно и за подобрување на квалитетот на институционалните услуги, но и за ефикасна борба против корупцијата, бидејќи овој процес подразбира намалување на човечкиот контакт при некои услуги“, кажал премиерот Ковачевски, како што информира прес-службата на Владата.
Инаку, министерката Стојменова Дух е Македонка која од 2002 година живее во Словенија, каде студирала по добиена стипендија, а како успешен студент, по докторирањето, станала и професор на Универзитетот во Љубљана на Катедрадата за информатички и комуникациски технологии.
Фото: Влада Македонија и Словенија
