сабота, 24 февруари 2024

Компјутери, часовници и други предмети пронајдени кај двајца крадци од Струмица

Објавено на

часот

Сподели

„Полициски службеници од Секторот за внатрешни работи Струмица го лишиле од слобода Н.Р. (30) од Струмица, во чиј дом бил извршен претрес со судска наредба, поради сомнение за сторено кривично дело тешка кражба. Во извршен службен разговор во полициска станица, осомничениот признал дека на 11 април извршил кривично дело тешка кражба во деловни простории, сопственост на правно лице во Струмица, а украдените лап топ компјутери ги продал на лице од Струмица. По преземени мерки, украдените предмети се пронајдени и ќе бидат вратени на сопственикот.

Истиот ден полициски службеници од СВР Струмица, постапувајки по судска наредба, извршиле претрес и во домот во кој престојувал О.Х. (40) од Струмица, при што биле пронајдени часовници, парфеми и други предмети, кои потекнуваат од кражба извршена на 18 април во куќа во Струмица. По целосно документирање на случаите против лицата ќе бидат поднесени соодветни пријави“, се вели во соопштението на МВР.

ТОП ВЕСТИ

ПОСЛЕДНИ ВЕСТИ