Кливленд еден месец нема пораз, последен пат загубија на 9 декември, во меѓувреме врзаа 12 победи, а последната беше ноќеска кога го совладаа Торонто со 132-126.
Репторс водеа по три четвртини со 103-98, но во последните 12 минути домашниот тим ги намести работите на свое место и не дозволи изненадување. На минута пред крајот Торонто се доближи на еден кош разлика, но Гарланд погоди тројка и во пенал-завршницата Кливленд отиде на +8 што беше доволно за триумф.
Гарланд беше убедливо најдобар играч на мечот со 40 поени и 9 асистенции, Мобли додаде 21 поен, 11 скока и 6 асистенции, а Леверт и Ален постигнаа по 18 поени. Кај Торонто се истакна Скоти Барнс со 24 поени, 10 скока и 8 асистенции.
Резултати:
Кливленд – Торонто 132-126
Детроит – Голден Стејт 104-107
Орландо – Минесота 89-104
Далас – Портланд 117-111
Мемфис – Хјустон 115-119
Феникс – Атланта 123-115
Јута – Мајами 92-97
