„Треба да се биде искрен, ако кажеме дека Украина ќе влезе во ЕУ за шест месеци, година или две, се лажеме, тоа не е точно. Поверојатно тоа ќе се случи за 15 или 20 години а тоа е многу долг период“, рече Клеман Бон.
„Не сакам на Украинците да им се продаваат илузии и лаги. Ако на нив им се каже „Добре дојдовте во ЕУ“ но не сте ги прочитале ситните букви на дното на договорот, а тоа е всушност за 15 години, мислам ќе разочараме цела генерација Украинци, им должиме на Украинците политички проект во кој можат да влезат“, рече Бон.
Европската политичка заедница, предложена од претседателот Макрон е „комплементарна на ЕУ“ и „може да понуди политички и конкретен проект на земјите кои не се во срцето на Европската Унија а сакаат да се доближат до неа“, рече тој.
„Но, тоа не значи дека вратата е затворена, напротив, таа е отворена“, рече Бон, укажувајќи на придобивките како што се слободното движење во Европа и делумните придобивки од европскиот буџет за реконструкција на Украина или можеби заедничката енергетска политика.
