среда, 21 февруари 2024

Кина: Светот е на историска пресвртница

Објавено на

часот

Сподели

Генералниот секретар на ОН Антонио Гутереш и голем број западни дипломати го критикуваа шефот на руската дипломатија Сергеј Лавров, кој вчера претседаваше со седницата на Советот за безбедност на ОН во Њујорк. Тие ја обвинија Москва дека ја прекршила Повелбата на ОН со инвазијата на Украина и окупирањето на дел од територијата на таа земја.

Лавров ги бранеше постапките на руското раководство и ги обвини САД и нивните западни сојузници дека ја поткопуваат светската дипломатија и „темелите на Обединетите нации“, кои, како што рече, „се создадени за да се спречи трета светска војна“.

Гутереш повика на соработка на 193-те членки на ОН и го предупреди Советот за безбедност дека „глобалната соработка е под најголем притисок од создавањето на ОН за пепелта од Втората светска војна“. Тензиите меѓу големите светски сили се „историски високи“, како и ризикот од конфликт, изјави генералниот секретар на ОН, мислејќи на војната во Украина.

На состанокот на Советот за безбедност, генералниот секретар на ОН и амбасадорите на САД, Велика Британија, Франција и нивните сојузници го истакнаа основниот принцип на Повелбата на ОН, кој бара од сите членки да го поддржат суверенитетот, територијалниот интегритет и политичката независност на сите членки на ОН. Западните дипломати истакнаа дека Русија ги прекршила сите три принципи со инвазијата на Украина и илегалното припојување на нејзините територии.

Сериозно предупредување испрати и официјален Пекинг. „Светот се наоѓа на историска пресвртница“, рече кинескиот амбасадор Џанг Јун на состанокот на Советот за безбедност.

„Човештвото се соочува со невидени глобални предизвици. Хегемонијата и малтретирањето на другите му предизвикуваат огромна штета на светот. Политиката создава огромни поделби и конфронтации. Никогаш не било поважно и поалармантно да се зачуваат вредностите на Повелбата на ОН“, рече Јун.

ТОП ВЕСТИ

ПОСЛЕДНИ ВЕСТИ