Во соопштението на кинеското Министерство за надворешни работи, САД се повикуваат да престанат да го вооружуваат Тајван и да ги запрат, како што наведуваат, „опасните потези што ги поткопуваат мирот и стабилноста во Тајванскиот теснец“.
Американскиот претседател Џозеф Бајден вчера одобри доделување одбранбена опрема и услуги во вредност од 571 милион долари за Тајван.
Најавена е и едукативна поддршка за островот, кој Кина го смета за дел од своја територија.
Одделно, американското Министерство за одбрана во петокот соопшти дека одобрило продажба на уште 295 милиони долари во воена опрема.
САД велат дека воената помош има цел да му помогне на Тајван да се одбрани и да ја одврати Кина од напад.
Тајван ја поздрави оваа одлука на САД.
