петок, 21 јуни 2024

Кина по налогот за апсење на Нетанјаху: Се надеваме дека судот ќе биде објективен

Кина денеска соопшти дека се надева дека Меѓународниот кривичен суд (МКС) ќе одржи објективен став по објавата дека се бараат потерници за израелските лидери, вклучително и на премиерот Бенјамин Нетанјаху, и за лидерите на Хамас за воени злосторства извршени за време на седуммесечната војна во Газа.

Фото: ЕПА

Објавено на

часот

Сподели

„Се надеваме дека МКС ќе ја задржи својата објективна и непристрасна позиција и ќе ги искористи своите овластувања во согласност со законот“, рече портпаролот на Министерството за надворешни работи Ванг Венбин, повикувајќи на прекин на „колективното казнување на палестинскиот народ“.

Запрашан за ова, Пекинг рече дека постои „голем консензус во меѓународната заедница веднаш да се запре војната во Газа и да се стави крај на хуманитарната криза на палестинскиот народ“.

„Кина отсекогаш била на страната на правдата и меѓународното право за палестинското прашање“, рече Ванг, додавајќи дека Пекинг ги поддржува „напорите за промовирање на сеопфатно, праведно и трајно решение за палестинското прашање“.

ТОП ВЕСТИ

ПОСЛЕДНИ ВЕСТИ