„Длабоко жалиме за зборовите и постапките на Холандија“, изјави портпаролот на кинеското Министерство за одбрана Жанг Сјаоганг, пренесе Ројтерс.
Жанг го оцени како „лажно тврдење“ соопштението на холандското Министерство за одбрана дека фрегатата „ХНЛМС Тромп“ патролирала спроведувајќи санкции на Обединетите нации против Северна Кореја.
Жанг истакна дека холандската фрегата создала тензии меѓу двете земји пловејќи во водите кои Кина ги присвојува и дека „кинеската страна решително ќе се спротивстави на провокациите“.
Во петокот кинески борбени авиони прелетаа над холандска фрегата, а холандското Министерство тврди дека инцидентот се случил во меѓународни води, јавува Ројтерс.
