Ракетата Лонг марш 2Ф, долга 60 метри и тешка 40 тони, носеше екипаж од тројца во вселенското летало Шенжу 19, што значи „магичен брод“.
Според Кинеската вселенска агенција, командантот Каи Суже (48), инженерот Ванг Хаозе (34) и поранешниот воен пилот Сонг Лингдонг (34) треба да се приклучат на вселенската станица околу шест и пол часа по влегувањето во вселената.
China’s Shenzhou-19 spaceflight mission successfully launched from the Jiuquan Satellite Launch Center in north China at 4:27 a.m. Beijing time headed for the Tiangong space station. pic.twitter.com/VEvtl1p92v
— GZ-FiveRams (@fly2happy) October 30, 2024
За време на својот шестмесечен престој во вселената, екипажот ќе спроведе 86 научни и технички експерименти, ќе изврши вселенски прошетки и ќе инсталира заштитни мерки од вселенски отпад на Тиангонг.
Екипажот на вселенското летало Шенжу 19 ќе замени тројца членови на мисијата Шенжу 18, кои работат на вселенската станица од април. Нивното враќање на Земјата е закажано за 4 ноември.
