Во соопштението објавено денеска, еден ден по состанокот во Минск, се вели дека двете земји, исто така, ќе ја зајакнат соработката во индустриските ланци за набавка и ќе продолжат да ја олеснуваат трговијата за да ги намалат трошоците за двете страни.
Белорусија, исто така, има намера да ја продлабочи соработката со регионот Гуангдонг-Хонг Конг-Макао, мегалополис кој опфаќа девет градови, вклучувајќи ги Гуангжу, Шенжен и Жухаи, се вели во соопштението објавено од кинеското Министерство за надворешни работи.
Според Чајна Дејли, Белорусија беше меѓу првата група земји што одговори на кинеската иницијатива „Појас и пат“, а Ли за време на посетата на Минск рече дека односите меѓу Кина и Белорусија останаа добри во изминатите 32 години и покрај променливиот меѓународен пејзаж.
Кина е втор најголем трговски партнер на Белорусија и нејзин најголем трговски партнер во Азија, со билатерална трговија која минатата година надмина 8,4 милијарди долари, пишува Чајна дејли.
Ли пристигна во Белорусија во четвртокот, откако ја заврши својата прва посета на Русија како кинески премиер.
