недела, 26 мај 2024

Кариман: Партиите се уплашија од Аваја зашто на 8 мај ќе предизвикаме промени

„И големите и малите партии, вклучително и ромските партии со нив, се плашат од Аваја, затоа што Аваја доаѓа да стави крај на лошата политика во Македонија“, порача Акиф Кариман, претседател на Аваја на средба со жителите на Кавадарци.

Објавено на

часот

Сподели

Според Кариман, гласачите на Аваја во првиот круг на претседателски избори излегле во мал број и не ја дале својата поддршка на политичари кои што сигурно ќе се пензионираат по овие избори и не подржуваат политичари кои на секои следни избори одат од една во друга партија и се кријат позади нив.

„Овој пат имаме избор. Или ќе избереме некој кој нема да помагне да напредуваме или ќе гласаме за Аваја којашто ќе даде се од себе и целото наше знаење за да ја унапредиме состојбата на нашиот народ“, порача Кариман.

Тој нагласи дека Аваја не е дојдена за да ја загрози, туку да ја унапреди ромската политика, да даде место, простор и дом за сите Роми, а со тоа, како што рече, и да ја унапреди политиката на државата, зашто, истакна, Аваја е новиот извор на надеж и спас.

Како носител на листа во ИЕ 4, Кемал Сулјеманов рече дека е време да се покаже заедничка сила за промена на политичката сцена.

„Да дадеме поддршка на наши луѓе и политичари кои доаѓаат од нашите маала, меѓу нашите комшии и политичари кои што доаѓаат од народот, кои ќе бидат цело време со нас. Доста гласаме за трети и непознати лица и политички партии кои што не го ценат нашиот повик и нашиот глас. На 8 мај ќе покажеме дека имаме наши луѓе кои може да ги решат проблемите и кои постојано ќе бидат со Нас. Ние сме сплотени и ќе направиме промени на изборите“, рече Сулејманов.

По средбата со кавадарчани, претставниците на Аваја беа на средба со жителите на Радовиш, каде порачаа дека иако граѓаните гласаат, сепак имаат многу сериозни проблеми во своето секојдневно живеење.

„Триесет и три години гласате за да има дупки на вашата улица во која може да се соберат 50 лица. Толку години ве лажат за да имате канализација која тече по цело маало. Исто толку време не плашат дека ќе не избркаат од работа, дека нема да ни дадат имотен лист или што се друго, за од страв да гласаме за некого. Веќе нема да дозволиме да продолжат да не лажат и да не плашат“, порача Кариман на жителите во Радовиш.

Тој рече дека кандидатите на Аваја се од нивните маала, кои ќе се борат да ги решат проблемите на жителите. „Гласајте за нашите кандидати, за вашите кандидати, за да ги застапуваат вашите интереси во Собранието. Има шанса да ги подобриме работите подобро за нас. Да почнеме да ги преземаме работите во наши раце“, порача Кариман.

ТОП ВЕСТИ

ПОСЛЕДНИ ВЕСТИ