„Преговаравме долго и чесно. Не е можен договор со Социјалдемократската парија (СПО) за битните точки. Народната партија останува на своите ветувања: нема да се согласиме на мерките кои се против работењето или на нови даноци. Затоа ги завршуваме преговорите со СПО и нема да ги продолжиме“, порача Нехамер на социјалната мрежа Икс.
Wir haben lange und redlich verhandelt. In wesentlichen Punkten ist mit der SPÖ keine Einigung möglich. Die Volkspartei steht zu ihren Versprechen: Wir werden leistungs- und wirtschaftsfeindlichen Maßnahmen oder neuen Steuern nicht zustimmen. Daher beenden wir die Verhandlungen… pic.twitter.com/evKgQbtTwq
— Karl Nehammer (@karlnehammer) January 4, 2025
Нехамер за јавниот сервис ОРФ кажа дека ќе се повлече „и како канцелар и како лидер на ОВП во следните денови“.
„Пробавме сè до оваа точка. Договор за клучните точки не е можен, така што тоа нема смисла за позитивна иднина на Австрија“, кажа Нехемаер.
Соопштението следи откако Народната партија и социјалдемократите ги продолжија преговорите за коалиција еден ден по ненадејното повлекување на либералната партија Неос од разговорите за формирање владејачка коалиција.
Десничарската Слободарска партија (ФПО), која победи на парламентарните избори во септември, не доби можност да формира влада, па сега чека да види во која насока ќе се развива ситуацијата.
Анкетите покажуваат дека поддршката на ФПО, која е евроскептична и наклонета кон Русија, пораснала од изборите на 29 септември кога таа партија освои 29 отсто од гласовите.
