Македонските надежи на 5. септември гостуваат кај Хландија, а четири дена подоцна играме со Гибралтар, исто така на гостински терен.
„Пред нас се два нови натпревари, против Холандија и Гибралтар. Прво играме против фаворитот во групата на гостински терен и тоа е најтешкиот меч во овие квалификации. Но, нема предавање, подготвени сме да се бориме и да одиграме уште еден добар и квалитетен меч како првиот во Скопје. Што се однесува до дуелот со Гибралтар, на тој меч ситуацијата е различна, фаворити сме и се очекува победа од нас“, вели Канатларовски.
Селекторот потенцираше дека шанса на овие натпревари ќе добијат и помлади фудбалери кои ќе може да играат и во следниот квалификациски циклус.
„Во наредните натпревари шанса ќе добијат и нови млади фудбалери кои ќе имаат можност да настапуваат за оваа селекција и во следниот квалификациски циклус“.
По шест одиграни кола Македонија е на петтата позиција со шест бода, зад нас е само Гибралтар.
