Калин Ивановски не успеа да се пласира на челинџер 75 турнирот во Бергамо кој се игра за награден фонд од 73.000 евра.
По вчрашната победа над Италијанецот Алесио Балестиери, македонскиот тенисер денеска загуби од искусниот Михаил Кукушкин кој е речиси за 100 позиции подобар од Калин на АТП листата.
Ивановски одлично го почна мечот против Кукушкин, го доби првиот сет со 6-3.
Во вториот сет Ивановски уште на почетокот зема брејк, поведе со 2-0, но потоа следуваше негов пад. Кукушкин ги доби наредните четири гејма. Нашиот тенисер успеа да се врати, да го однесе сетот во тајбрејк, но таму загуби со 7-2.
Третиот решавачки сет му припадна на Кукушкин со 6-4, со еден загубен свој сервис на Ивановски.
