Тој исто така рече дека руските власти ќе го земат предвид она што истражителите ќе го откријат за авионската несреќа, но веднаш додаде дека „истрагата за инцидентот ќе потрае некое време“. Тој, исто така, тврди дека Пригожин „имал тежок животен пат“.
Чеченскиот лидер Рамзан Кадиров, сојузник на рускиот претседател Владимир Путин чии сили често се бореа заедно со единиците на Вагнер во Украина, го пофали наследството на Евгениј Пригожин. „Ние сме пријатели долго време“, рече Кадиров во подолга објава на Телеграм. „Често моравме да ги решаваме најкомплицираните прашања“.
Кадиров го опиша Пригожин како личност која „се издвојува од другите со брзината на реагирање, уникатните комуникациски вештини и упорноста“. Тој секогаш беше подготвен да помогне и навистина помагаше од срце, рече тој.
Додека Кадиров рече дека Пригожин е „важна фигура на националната сцена“, тој во последно време „или не ја гледаше или не сакаше да ја види целосната слика за она што се случува во земјата“. „Го замолив да ги остави своите лични амбиции зад себе во корист на прашања од највисоко национално значење. Сè друго може да се реши подоцна“, рече Кадиров.
„Но, токму таков беше Пригожин, со својот цврст став и желба да го добие она што го сака сега и овде“.
За придонесот на групата Вагнер во руската војна во Украина, Кадиров рече: „Нема сомнеж дека даде голем придонес. И таа заслуга не може да му се одземе. Неговата смрт е голема загуба за целата земја“.
