Каде се децата, заминаа ли во странство? Зачудувачки, има слободни места за упис во гимназиите

За вториот уписен рок во гимназиите низ земјава има слободни 5.438 места.

Министерството соопшти дека врз основа на финализираните ранг листи за првото пријавување добиени се следните податоци:

Во првото пријавување вкупно се пријавија 16.007  ученици од кои:

• 11.205 ученици за настава на македонски наставен јазик,
• 4.474 ученици за настава на албански наставен јазик,
• 322 ученици за настава на турски наставен јазик и
• 6 ученици за настава на српски наставен јазик.

Во првото пријавување вкупно се запишаа 12.996 ученици од кои:

• 9.655  ученик за настава на македонски наставен јазик,
• 3.101 ученици за настава на албански наставен јазик,
• 234 ученици за настава на турски наставен јазик и
• 6 ученици за настава на српски наставен јазик.

Според видот на образованието, во првото пријавување запишани се вкупно:

• 4.606 ученици во гимназиско образование
• 8.235 ученици во стручно образование

Конкурсот за запишување ученици е завршен за гимназиско образование во:

• СУГС Гимназија „Никола Карев“-Скопје и
• СУГС Гимназија „Георги Димитров“-Скопје.

Конкурсот за запишување ученици е завршен во стручно образование во следниве струки и училишта:

ГРАДЕЖНО – ГЕОДЕТСКА  СТРУКА:

• СОУ„Нико Нестор“-Струга за образовниот профил архитектонски техничар на македонски наставен јазик;
• ОСУТ„Гостивар“-Гостивар за образовниот профил архитектонски техничар/градежен техничар на македонски наставен јазик.

ГРАФИЧКА  СТРУКА:

• СОУ„Ристе Ристески Ричко“-Прилеп за образовниот профил графички уредник – дизајнер на македонски наставен јазик.

ЕКОНОМСКО – ПРАВНА И ТРГОВСКА СТРУКА:

• СУГС„Цветан Димов“-Скопје, за образовниот профил продавач – референт за продажни услуги на албански наставен јазик;
• СОУ„Јосиф Јосифовски“-Гевгелија за образовниот профил економски техничар/ бизнис администратор на македонски наставен јазик;
• СОУ„Св. Кирил и Методиј“-Охрид за образовниот профил техничар за е – трговија и дигитален маркетинг на македонски наставен јазик;
• СОУ„Добри Даскалов“-Кавадарци за образовниот профил економски техничар на македонски наставен јазик;
• СОУ„Јане Сандански“-Битола за образовниот профил техничар за е – трговија и дигитален маркетинг на македонски наставен јазик;
• СОУ„Јане Сандански“-Струмица за образовниот профил техничар за е – трговија и дигитален маркетинг на македонски наставен јазик;
• СОУ„Перо Наков“-Куманово за образовниот профил техничар за е – трговија и дигитален маркетинг на македонски наставен јазик;
• СУГС„Васил Антевски Дрен“-Скопје за образовниот профил техничар за е – трговија и дигитален маркетинг на македонски наставен јазик;
• СОЕУ„8 ми Септември“-Тетово за образовниот профил правен техничар на македонски наставен јазик.

ЕЛЕКТРОТЕХНИЧКА СТРУКА:

• СОУ„Коле Нехтенин“-Штип за образовниот профил електротехничар за компјутерска техника и автоматика на македонски наставен јазик;
• ССОУ „Коле Неделковски“-Велес за образовниот профил електротехничар за компјутерска техника и автоматика на македонски наставен јазик;
• СОТУ „Гостивар“-Гостивар за образовниот профил електротехничар за компјутерска техника и автоматика на македонски наставен јазик и на албански наставен јазик;
•  СОУ„Илинден“-Илинден за образовните профили електротехничар за компјутерска техника и автоматика и електротехничар за електроника и телекомуникации на македонски наставен јазик;
• СОУ„Ѓорѓи Наумов“-Битола за образовниот профил електротехничар за компјутерска техника и автоматика на македонски наставен јазик;
• СОУ„Ѓошо Викентиев“-Кочани за образовниот профил електротехничар за компјутерска техника и автоматика на македонски наставен јазик;
•  СОУ„Ѓорче Петров“-Крива Паланка за образовниот профил електротехничар за компјутерска техника и автоматика на македонски наставен јазик;
• ОСТУ„Наце Буѓони“ – Куманово за образовниот профил електротехничар за компјутерска техника и автоматика на македонски наставен јазик;
• ОЕМУЦ„Св. Наум Охридски“-Охрид за образовниот профил техничар за индустриска мехатроника на македонски наставен јазик;
• СОУ„Ристе Ристески Ричко“-Прилеп за образовниот профил електротехничар за компјутерска техника и автоматика/електротехничар за електроника и телекомуникации на македонски наставен јазик;
• СОУ„Ристе Ристески Ричко“-Прилеп за образовниот техничар за индустриска мехатроника / електротехничар – енергетичар на македонски наставен јазик ;
• СОУ„Богданци“-Богданци за образовниот профил електротехничар-енергетичар /електротехничар за компјутерска техника и автоматика на македонски наставен јазик;
• СОУ„Никола Карев“-Струмица за образовниот профил електротехничар за компјутерска техника и автоматика на македонски наставен јазик.

ЗДРАВСТВЕНА СТРУКА

• СОУ„Јане Сандански“-Штип, за образовниот профил медицинска сестра на македонски наставен јазик;
• ССОУ„Димитрија Чуповски“-Велес, за образовниот профил фармацевтски техничар/ медицински лабораторискo санитарен техничар на македонски наставен јазик;
• СМОУ„Гостивар“-Гостивар за образовниот профил медицинска сестра на македонски наставен јазик и на албански наставен јазик;
•  СОУ „Ѓорче Петров“-Кавадарци, за образовниот профил фармацевтски техничар на македонски наставен јазик;
• СОУ„Мирко Милески“-Кичево, за образовниот профил медицинска сестра на македонски наставен јазик;
• ОСТУ„Наце Буѓони“-Куманово, за образовниот профил медицинска сестра на албански наставен јазик;
• СУГС „Д-р Панче Караѓозов“-Скопје, за образовните профили медицинска сестра на албански наставен јазик, забен техничар на албански наставен јазик и физиотерапевтски техничар на македонски јазик;
• ОСМУ „Д-р Јован Калаузи“-Битола, за образовниот профил медицинска сестра на македонски наставен јазик;
• СУГС„Цветан Димов“-Скопје, за образовните профили медицинска сестра и фармацевтски техничар на албански наставен јазик;
•  СОУ„Нико Нестор“- Струга за образовниот профил гинеколошко акушерска  сестра на македонски наставен јазик;
• СОМУ„Никола Штејн“-Тетово, за образовниот профил медицинска сестра на албански наставен јазик.

ЛИЧНИ УСЛУГИ:

• СУГС„Шаип Јусуф“-Скопје, за образовниот профил фризер на македонски наставен јазик ;
• СУГС„Сарај“-Скопје, за образовниот профил фризер на албански наставен јазик;
• СОМУ„Никола Штејн“-Тетово, за образовниот профил техничар за козметичка нега и убавина на албански наставен јазик.

МАШИНСКА СТРУКА:

• ССОУ„Коле Неделковски“-Велес за образовниот профил машински техничар/ техничар за производно машинство на македонски наставен јазик;
• ОСТУ„Наце Буѓони“-Куманово за образовниот профил техничар за компјутерско управување на македонски наставен јазик;
• АСУЦ„Боро Петрушевски“-Скопје за образовниот профил машински техничар за моторни возила на македонски наставен јазик.

УГОСТИТЕЛСКО – ТУРИСТИЧКА СТРУКА:

• СОУ„Коле Неделковски“-Велес, за образовните профили келнер, готвач и слаткар на македонски наставен јазик.

ХЕМИСКО – ТЕХНОЛОШКА СТРУКА:

• СУГС„Марија Кири Склодовска“- Скопје за образовниот профил хемиско лабораториски техничар на албански наставен јазик;

• СОУ„Нико Нестор“-Струга за образовниот профил хемиско лабораториски техничар на албански наставен јазик.

ШУМАРСКО – ДРВОПРЕРАБОТУВАЧКА СТРУКА:

• СУГС„Георги Димитров“-Скопје за образовниот профил техничар за мебел и ентериер на македонски наставен јазик.

Слободни места за второто пријавување има за вкупно 23.903 ученици од кои:

• 18.002 слободни места за настава на македонски наставен јазик,
• 5.227  слободни места за настава на албански наставен јазик,
• 612  слободни места за настава на турски наставен јазик и
• 62 слободни места на српски наставен јазик.

Слободни места по вид на образование за второ пријавување има:

• во гимназиско образование 5.438 слободни места од кои:

• 3.319 за ученици на македонски наставен јазик,
• 1.876 за ученици на албански наставен јазик,
• 215 за ученици на турски наставен јазик и
• 28 за ученици на српски наставен јазик.

• во стручно образование 18 059 слободни места од кои:

• 14.393 за ученици на македонски наставен јазик,
• 3.235 за ученици на албански наставен јазик,
• 397 за ученици на турски наставен јазик и
• 34 за ученици на српски наставен јазик.

Првото пријавување на учениците се реализираше преку електронско аплицирање на 20 и 21 јуни 2023 година. Прелиминарната ранг листа се објави на 22 јуни 2023 година, а доставувањето на потребната документација до училиштата беше на 22 и 23 јуни 2023 година. Конечните ранг листи се објавија на 24 јуни 2023 година.

Согласно Конкурсот за запишување ученици во јавните средни училишта за учебната 2023/2024 година во Република Северна Македонија, кој е објавен во месец март 2023 година, предвидено е во училиштата каде во конечната ранг листа има поголем број ученици со исти бодови, да се организира квалификациско тестирање по наставниот материјал од осмо и деветто одделение по наставните предмети и тоа:

– за гимназиско образование – мајчин јазик и математика

– за зравствена струка – биологија и хемија

– за другите струки –  мајчин јазик и математика.

МОН информира дека оваа година квалификационото тестирање ќе се организира на 26 јуни 2023 година во следниве училишта:

– СУГС „Д-р Панче Караѓозов“ – Град Скопје (за стручно образование – здравствена струка за образовните профили фармацевтски техничар на албански наставен јазик).

Во средните училишта во кои се реализираат наставни планови и наставни програми за уметничко образование квалификационото тестирање ќе се организира на 26 јуни 2023 година.

Конечните ранг листи со резултатите за учениците кои ќе полагаат квалификационо тестирање ќе се објават на 26 јуни 2023 година.

Второто пријавување на учениците ќе се врши на 27 јуни до 24.00 часот и на 29 јуни 2023 година до 10.00 часот. Прелиминарната ранг листа на запишани ученици се објавува на 29 јуни 2023 година на https://e-uslugi.mon.gov.mk и на интернет страната www.mon.gov.mk најдоцна до 13:00 часот. Доставувањето на потребената документација до училиштата е на 29 јуни од 15.00 до 19.00 часот и на 30 јуни од 07.00 часот до 19.00 часот, согласно изготвен распоред од страна на училиштето.

Конечната ранг листа за секое училиште со резултатите од запишувањето и слободните места ќе се објави на 1 јули 2023 година, најдоцна до 12.00 часот на огласната табла на училиштето и на www.mon.gov.mk.

Квалификациско тестирање ќе се организира во училиштата за средно образование на 3 јули 2023 година, а конечните ранг листи со резултатите ќе се објават на 3 јули 2023 година, на огласната табла на училиштето и на www.mon.gov.mk.

П.Џ.