Се шпекулира дека новиот тренер на Манчестер јунајтед, Ерик тен Хаг сака да го донесе својот сонародник Френки де Јонг како едно од првите засилување ова лето.
Проблем е тоа што Манчестер јунајтед не обезбеди настап во Лигата на шампиони и Холанѓанецот преферира да игра во најелитното европско натпреварување доколку реши да ја напушти Барселона.
Според Дејли Стар, „ѓаволите“ го примамуваат Френки де Јонг со многу пари и му ветуваат дека ќе стане најплатен фудбалер на Олд Трафорд доколку направи трансфер.
Весникот шпекулира со бројката од 395.000 фунти неделно, сума со која Френки де Јонг ќе има поголеми примања и од Кристијано Роналдо.