По мирното прво полувреме, бура од возбудувања имаше во вториот дел од овој меч.
Во 52. минута Бруно Фернандеш донесе водство за Манчестер јунајтед, а не поминаа ни десет минути тие останаа со фудбалер помалку откако Далот заработи втор жолт картон.
Веднаш потоа Габриел го изедначи резултатот на 1-1.
Во 72. минута Арсенал пропушти огромна шанса за пресврт, Одегард не искористи пенал, турскиот голман Бајиндир го одбрани неговиот удар.
Голманот на Јунајтед имаше уште неколку одлични интервенции додека неговите соиграчи се бранеа со фудбалер помалку. Немаше друг погодок и по 120 минути игра, па пеналите решаваа.
Во пенал серијата имаше само едно промашување, Бајиндир одбрани удар и на Каи Хаверц кој значеше победа на Манчестер јунајтед и пласман во следното коло.
Голови од пенал за Јунајтед постигнаа Фернандеш, Диало, Јоро, Мартинез и Зиркзе, за Арсенал реализираа Одегард, Рајс и Парти.
Altay Bayındır saves the penalty for Man United!! pic.twitter.com/0CSyCad99V
— ESPN FC (@ESPNFC) January 12, 2025
