вторник, 18 јуни 2024

Југоистокот во портокалова фаза, Владата повика ранливите категории граѓани да седат дома

Гевгелија, Богданци, Валандово и Дојран во вторник и среда ќе бидат зафатени од високи температури од портокалова фаза, поради што Владата на барање на Министерството за здравство, одржа вонредна седница и препорача ослободување од работните обврски на најранливите групи население, односно бремените жени и лицата на возраст над 60 години, пружање помош на болни и бездомни лица и водење сметка за работните услови. Скопскиот регион пак, ќе биде во жолта фаза.

Објавено на

часот

Сподели

Владата, како што е посочено во соопштението, ги усвои препораките од Министерството за здравство за намалување на ризиците од високите температури, согласно Акцискиот план на министерството за превенирање на последиците од топлотните бранови врз здравјето на населението за територијата на овие градови.

Како што се наведува во соопштението од владината прес-служба, се препорачува ослободување од работните обврски на најранливите групи население, односно бремените жени и лицата на возраст над 60 години.

Во градинките да не се практикува физичка активност и да не се изнесуваат децата на отворено во периодот од 11 до 17 часот.

Единиците на локалната самоуправа, Црвениот крст и Центрите за социјални работи, во регионите зафатени со топлотниот бран да пружаат помош на осамени, стари, изнемоштени лица, бездомни лица.

Со оглед на фактот дека одредени ризични производни и технолошки процеси може да претставуваат дополнителен ризик по здравјето на изложените работници, Владата ги потсетува работодавачите на обврската за почитување на законските прописи од оваа област.

„Во вторник и среда најавено е и дека териториите на скопскиот и вардарскиот регион ќе бидат зафатени од високи температури, но од жолта фаза (алерт – подготвеност). Во овие региони ќе важат општите препораки, коишто ќе ги соопшти Министерството за здравство“, се посочува во соопштението од владината прес-служба.

ТОП ВЕСТИ

ПОСЛЕДНИ ВЕСТИ