недела, 3 март 2024

Јокиќ со тројка со звукот на сирената донесе победа за Денвер кај Голден стејт! (ВИДЕО)

Денвер со 130-127 победи на гостувањето кај Голден стејт благодарение на една чудесна тројка во последните секунди на Никола Јокиќ.

Објавено на

часот

Сподели

Течеа последните секунди од натпреварот кога Јокиќ од тешка позиција шутна за тројка и погоди со звукот на сирената носејќи му победа на својот тим.

Во текот на последната четвртина Голден стејт имаше 18 поени предност, беше 123-105 но тогаш почна неверојатна серија на Денвер, гостите направија 25-4 и на неверојатен начин дојдоа до триумф.

Најдобар на мечот беше човекот кој го реши победникот, Никола Јокиќ кој постигна 34 поени, имаше десет асистенции и девет скокови, одличен беше и Гордон со 30 поени, исто толку кај Голден стејт имаше Стеф Кари.

Интересно беше и на мечот меѓу Сан Антонио и Милвоки каде благодарение на одличната партија на Јанис Адетокумбо, гостите дојдоа до триумф од 125-121.

Адетокумбо постигна 44 поени, имаше и 14 скокови. Најефикасен кај Сан Антонио беше Весел со 34 поени, Вембанјама реализираше 27 поени.

Резултати:
Сан Антонио – Милвоки 121-125
Голден стејт – Денвер 127-130

ТОП ВЕСТИ

ПОСЛЕДНИ ВЕСТИ