среда, 21 февруари 2024
НБА

Јокиќ не доби суспензија, ќе игра на петтиот натпревар со Феникс

Објавено на

часот

Сподели

Главниот кошаркар на Денвер ќе плати 25.000 долари казна, но нема да добие и суспензија.

За време на четвртиот меч меѓу Феникс и Денвер, Јокиќ со лакт го оттурна сопственикот на сонцата, Мет Ишбија откако тој ја држеше топката која стигна до него.

По мечот Јокиќ рече: „Зошто да добијам суспензија? Тој седи кај навивачите, значи и тој е навивач. НБА треба да не штити од вакви ситуации, тој ја држеше топката“.

Се огласи и сопственикот на Феникс, кој сметаше дека Јокиќ не треба да биде суспендиран.

„Минатата ноќ видовме одлична победа за Санс, во серија која досега е фантастична. Тоа треба да биде една цела приказна. Суспензија или казна за кого било поради инцидентот кој се случи не би била правична. Го почитувам Јокиќ и не сакам да видам нешто такво. Возбуден сум за петтиот меч, напред Санс“, напиша Ишбија на твитер.

ТОП ВЕСТИ

ПОСЛЕДНИ ВЕСТИ