петок, 19 април 2024

Јапонија и Холандија ќе ѝ помогнат на Газа со милиони евра

Јапонија ќе обезбеди хуманитарна помош од 10 милиони американски долари за цивилите во Газа, изјави денеска јапонската министерка за надворешни работи Јоко Камикава, помош од 10 милиони евра вети и холандската влада. Јапонија во моментов претседава со групата развиени земји Г7, министерката Камикава рече дека ја следи ситуацијата во Газа „со загриженост“, додавајќи дека Јапонија очекува ситуацијата да се смири што е можно поскоро.

Објавено на

часот

Сподели

Камикава рече дека е при крај со подготовките за разговори со нејзиниот ирански колега. Холандската влада во вторникот вети 10 милиони евра нова хуманитарна помош за Газа, велејќи дека е длабоко загрижена поради брзото влошување на состојбата со цивилното население.

Таа додаде дека парите се испраќаат по барање на ОН и дека ќе бидат наменети за основните потреби на луѓето како што се вода и здравствена заштита. Таа повтори дека Израел има право да се брани по нападите на Хамас, но и дека одговорот треба да биде „пропорционален“ и во рамките на меѓународните правила за војување.

„Цивилите и хуманитарните работници никогаш не треба да бидат цел на насилство а хуманитарната помош треба да има неограничен пристап“, рече холандската министерка за надворешна трговија и развој Лиесје Шрајнемахер во писмо до парламентот.

Шпанија ќе ја зголеми и хуманитарната помош за Појасот Газа со пакет во вредност од еден милион евра и подготвена е да испрати уште, изјави на прес-конференција шпанскиот министер за надворешни работи Хозе Мануел Албарес.

ТОП ВЕСТИ

ПОСЛЕДНИ ВЕСТИ