недела, 23 јуни 2024
Второстепениот суд ја прифати жалбата на ексминистерката за внатрешни

Јанкулоска излегува на слобода, судиите оценија дека детето ѝ расте без мајчинска грижа

Поранашната министерка за внатрешни работи Гордана Јанкулоска доби условен отпус и ќе излезе на слобода откако Апелацискиот суд Скопје ја уважи жалбата за условен отпус. Поранешната прва полицајка ќе излезе од најголемиот затвор во државава, затворот во Идризово на 1 ноември 2023 година, а причина за тоа меѓу останатото е што е мајка на петгодишно дете, кое било лишено од мајчинска грижа и воспитување. Јанкулоска излегува на слобода 9 месеци пред истекот на затворската казна. Кога таа влезе во затвор нејзиниот син Петар имаше 2 години. Јанкулоска неодамна излезе на викенд од затвор и беше во посета на лидерот на ВМРО-ДПМНЕ, Христијан Мицкоски, по што пак се врати во ќелија од каде треба да илзезе за околу 3 недели. 

Објавено на

часот

Сподели

Кривичниот совет на Апелациониот суд Скопје ја уважи жалбата на осудената Гордана Јанкулоска од Скопје, при што решението на Кривичниот совет на Основниот кривичен суд Скопје го преиначи и ја отпушти осудената на 1 ноември 2023 година од издржување на казната затвор, под услов до истекот на условниот отпуст, 28 септември 2024 година, да не стори ново кривично дело, информираат од Апелациониот суд Скопје.

По предметот оформен по молбата за условен отпуст на осудената Гордана Јанкулоска од Скопје, од Апелациониот суд Скопје информира дека било одлучувано на нејавна седница одржана на 4 октомври годинава.

„Постапувајќи по кривичниот предмет КР-133/23, Кривичниот совет на Апелациониот суд Скопје, донесе решение со кое ја одби како неоснована жалбата на Основното јавно обвинителство за гонење на организиран криминал и корупција Скопје, а ја уважи жалбата на осудената Гордана Јанкулоска од Скопје, при што Решението на Кривичниот совет на Основниот кривичен суд Скопје го преиначи и ја отпушти осудената на 01.11.2023 година од издржување на казната затвор, под услов до истекот на условниот отпуст, 28.09.2024 година, да не стори ново кривично дело“, се вели во соопштението од Апелација.

Заради  транспарентност во работењето, Апелациониот суд Скопје информира дека при одлучувањето ги имаше предвид списите приложени кон предметот, пред се податоците добиени од установата каде осудената ја издржува казната затвор.

„Имено, судот ги ценеше личните прилики на осудената, особено околноста дека осудената е мајка на петгодишно дете, кое било лишено од мајчинска грижа и воспитување, а посебно ценејќи ги предвид податоците од Установата каде осудената ја издржува казната затвор, со оглед да осудената ги почитувала правата и обврските кои произлегуваат од куќниот ред на затворот, истата се вклопила во домската средина во која имала максимално пријателски односи со останатите осудени лица и не манифестирала насилни и конфликтни однесувања, имала развиено чувство за лична и општествена одговорност и однесувањето и било во склад со општествените норми. Во досегашниот издржан дел од казната во ниту еден момент не биле евидентирани прекршоци на одредбите од куќниот ред, го почитувала истиот и имала примерно поведение, а воено и коректен однос кон службените лица. Сметано од 25.10.2022 година, осудената била работно ангажирана во библиотеката на женското одделение и својот ангажман го извршувала со посветеност, навремено и во целост, користела и погодности надвор од установата, што упатува дека осудената се поправила до степен што основано може да се очекува дека на слобода добро би се однесувала и дека нема да врши кривични дела, со што е остварена и целта на казнувањето предвидена со чл.32 од КЗ“, информираат од Апелационен суд Скопје.

Поранешната министерка за внатрешни работи, Гордана Јанкулоска, беше упатена во КПУ – Идризово, за издржување на казната затвор од четири години како осудена во предметот „Тенк”, во септември 2020 година, откако таа ги исцрпи сите правни средства за одложување на издржување на казната затвор за предметот „Тенк”. 

Освен Јанкулоска, за случајот со незаконската набавка на мерцедесто „С-600″ во износ од 600 илјади евра, Судот како виновни ги прогласи и поранешниот шеф на набавки во МВР Ѓоко Поповски и поранешниот премиер Никола Груевски кој е во бегство во Унгарија. 

 

ТОП ВЕСТИ

ПОСЛЕДНИ ВЕСТИ