четврток, 23 мај 2024

Јакимовски го нарече Муцунски вицкаст и му порача: Јас признав пораз, ама вие излеговте алкохолизирани

„Колегата Тимчо Муцунски се подбивал со мојот резултат на овие претседателски избори, притоа обидувајќи се малку да биде вицкаст. Иако и јас можам да бидам по вицкаст, јас ќе бидам само реален и ќе изнесам факт“, објави Стевчо Јакимовски на социјалните мрежи.

Објавено на

часот

Сподели

„Градоначалникот на Аеродром Тимчо Муцунски наследи општина со 200 милиони денари на жиро-сметка, клубот МЗТ со 6 милиони денари и 18 милиони денари потпишани договори кои треба да легнат на сметката на клубот во наредниот период. Денес општина Аеродром не може да си ги плати обврските према добавувачите и изведувачите, има проблеми со исплта на плати. На МЗТ му ветуваше брда и долини, а сега доцни со плати. Веројатно колегата мисли дека високиот резултат на нивниот претседателски кандидат е како плод на неговото домкинско и успешно работење и дека овие 12.000 гласа разлика во однос на другиот кандидат се резултат на неговото управување, но реалноста е дека следниот градоначалник по него нема да може да ја оправи некогаш најсолвентната општина. Заради колосалните успеси во локалната самоуправа сега се гребе за функција во влада“, напиша Јакимовски на социјалните мрежи.

Тој додава дека да бидеш добар менаџер бара многу трпение во работата.

„Веројатно тактиката му е добра зошто градоначалничката фотеља е жешка, бара да бидеш добар менаџер, да имаш трпение во работата со граѓаните и да наоѓаш решение за нивните проблеми. Ова е претешка работа за него, а големите партии се познати што и на помалку успешните им наоѓаат ангажман. Паролата ‘И неспособните со нас успеваат’ им е својствена само нив. За разлика од него, јас наследив 330 милиони денари блокирана сметка, а денес на истста има 60 милиони денари и нема долг ниту еден денар. Тој работи со мнозинство со советот, а јас без мнозинство и со опструкции. Од синоќешните резултати јас бев шокиран од нискиот број на гласови, а неговата партија пак од преголемиот број на гласови. Но, прв излегов го признав поразот и честитав на водството на нивниот кандидат. Како што доликува на еден претседателски кандидат. За разлика од мене тие пред очите на цела македонска јавност излегоа во алкохолизирана состојба, ги валкаа зборовите и едвај го прочитаа тоа што го напишале. Јас знам да се носам и со победите и со поразите. Нив, власта секогаш ги опијанува, а мене никогаш“, додаде Јакимовски.

ТОП ВЕСТИ

ПОСЛЕДНИ ВЕСТИ