По 129 смртни случаи регистрирани во 2023 година, „2024 е една од најлошите години“, рече генералниот секретар на ИФЈ, Антони Беланж.
Според ИФЈ, од почетокот на оваа година биле убиени 55 палестински медиумски работници.
Од почетокот на војната на 7 октомври 2023 година, бројот на убиени палестински новинари изнесува најмалку 138, што ја прави територијата „една од најопасните во историјата на модерното новинарство, по Ирак, Филипини и Мексико“, според ИФЈ со седиште во Брисел.
По Блискиот Исток, втора најопасна зона за новинарите е азиско-пацифичкиот регион, со 20 смртни случаи, вклучувајќи шест атентати во Пакистан, пет во Бангладеш и три во Индија.
Во Европа, Украина е сè уште опасна земја за новинарите, каде во 2024 година загинаа четворица од нив.
