Тенковите се забележани во близина на џамијата Ал-Авда, централната знаменитост на Рафа, објави Ројтерс.
Израелската војска не ги коментираше веднаш информациите, велејќи дека подоцна ќе биде објавено соопштение за операцијата во Рафа.
Во меѓувреме, војниците продолжија да го напаѓаат градот од воздух и со тенковски оган, продолжувајќи ја својата офанзива и покрај меѓународната осуда за нападот во неделата.
Нападот, чија цел беа двајца претставници на Хамас, предизвика голем пожар во камп со шатори каде што беа засолнети раселените луѓе, при што беа убиени 45 Палестинци, според локалното Министерство за здравство.
Агенцијата на ОН за палестински бегалци (УНРВА) денеска објави дека околу еден милион луѓе избегале од Рафа во последните три недели.
Како што се наведува, тоа се случило иако „никаде не е безбедно и секаде се бомбардира, има недостиг од храна и вода, купишта отпад и несоодветни услови за живот“, додека помошта и заштитата сега стануваат речиси „невозможни“.
Од почетокот на мај израелската војска спроведува, како што тврди, ограничена операција во Рафа за убивање борци и уништување на инфраструктурата што ја користи Хамас.
Таа им порача на цивилите да одат во „проширената хуманитарна зона“, оддалечена околу 20 километри.
Al Jazeera show Israeli tanks in the west of Rafah city.
The world, including Biden, Sunak & Starmer, told Israel not to attack Rafah.
The ICJ ordered Israel to stop attacking Rafah.
It’s time for actions now:
Boycott Israel
Sanctions
Arrest warrantspic.twitter.com/BYB45WGho0— Howard Beckett (@BeckettUnite) May 28, 2024
На платформата Икс е објавена снимка на телевизијата Ал џезира на која се гледаат тенкови како напредуваат западно од Рафа, јавуваат израелските медиуми.
Palestinian families are fleeing Rafah as Israel intensifies its bombardment and pushes tanks into the heart of the city. pic.twitter.com/N9CBW6CWaW
— Quds News Network (@QudsNen) May 28, 2024
Околу еден милион луѓе избегаа од градот Рафа во јужниот дел на Појасот Газа во последните три недели, соопшти агенцијата на Обединетите нации за палестински бегалци (УНРВА).
Во малиот град на јужниот раб на Појасот Газа засолниште од израелските напади најдоа повеќе од милион Палестинци што избегаа од другите делови на крајбрежната енклава.
